Clybiau Chwaraeon

Pam cymryd rhan yn Erasmus+?

Mae Erasmus+ yn cynnig cyfle i staff chwaraeon llawr gwlad weithio gyda phartneriaid ar draws Ewrop i roi bywyd newydd i bosibiliadau mentrau cydweithredu rhyngwladol a chynyddu gallu a chwmpas chwaraeon llawr gwlad yn y DU. Mae’r rhaglen yn cynnig cyfle i hyfforddwyr a staff clybiau chwaraeon feithrin sgiliau ac ennill cymwysterau newydd. Bydd cynyddu gallu a chwmpas chwaraeon llawr gwlad yn hybu a chynyddu gweithgareddau ymarfer corff a bywyd iach, yn ogystal â hybu cynhwysiant cymdeithasol a chydraddoldeb. Bydd rhannu a chyfnewid profiad ac arbenigedd hefyd yn cyfrannu at greu rhwydwaith Ewropeaidd o hyfforddwyr a staff chwaraeon. Bydd y cyllid yn cefnogi’r gallu sydd gan chwaraeon i hybu cynhwysiant, cydlyniad cymdeithasol a gwerthoedd cyffredin.

Pa gyfleoedd sydd ar gael?

Prosiectau symudedd

Gall dysgwyr a staff ennill profiad rhyngwladol drwy gyllid ar gyfer lleoliadau dramor. Mae ceisiadau ar gyfer prosiectau symudedd yn cael eu rheoli gan yr Asiantaeth Genedlaethol.

Cyfleoedd i staff a gwirfoddolwyr

• Gall hyfforddwyr, aelodau eraill o staff a gwirfoddolwyr mewn sefydliadau chwaraeon llawr gwlad deithio i sefydliad partner dramor i: gysgodi ac arsylwi swydd, hyfforddi neu ymarfer. Gall y cyfleoedd hyn bara am rhwng dau a phedwar deg pum diwrnod (ac eithrio amser teithio).
• Gall staff mewn sefydliadau chwaraeon nad ydynt yn rhai llawr gwlad (er enghraifft, ffederasiwn chwaraeon cenedlaethol neu sefydliad rhyngwladol) hefyd wneud cais am gyllid, cyhyd a’u bod yn gallu dangos fod y prosiect o fudd i chwaraeon llawr gwlad.

Pwy sy’n gallu gwneud cais am gyllid chwaraeon?

• Sefydliad cyhoeddus neu breifat sy’n gweithio ym maes chwaraeon, gweithgareddau corfforol neu ymarfer corff sy’n trefnu gweithgareddau chwaraeon neu weithgareddau corfforol neu ymarfer corff ar lawr gwlad (er enghraifft, sefydliad nid er elw, awdurdod cyhoeddus lleol, clwb chwaraeon).
• Sefydliadau chwaraeon nad ydynt yn gweithredu ar lawr gwlad os yw cyfranogiad eu staff mewn prosiect yn dod â budd i chwaraeon llawr gwlad (er enghraifft, sefydliad rhyngwladol, ffederasiwn chwaraeon cenedlaethol).

Gallwch bori drwy ddisgrifiadau o brosiectau blaenorol am ysbrydoliaeth ar cronfa ddata Erasmus+.

Ysbrydoliaeth