Cyfleoedd Addysg Oedolion rhaglen Erasmus+

Ydych chi’n barod i gymryd eich cam cyntaf i fyd addysg a phartneriaethau Ewropeaidd? Neu eisiau datblygu cysylltiadau neu brosiectau rhyngwladol sy’n bodoli’n barod? 

Nod y weminar yma yw cyflwyno Erasmus+ i staff a gwirfoddolwyr sy’n gweithio ym maes addysg oedolion a gyda dysgwyr sy’n oedolion, mewn pob math o leoliadau a sefydliadau – o addysg gymunedol i lyfrgelloedd, amgueddfeydd, sefydliadau anllywodraethol, a cholegau.

Yn ystod y weminar byddwn yn:

• rhoi trosolwg o’r rhaglen Erasmus+ newydd, gan esbonio sut mae wedi newid a’r cyfleoedd newydd sydd ar gael
• edrych ar opsiynau penodol i addysg oedolion y gellir eu datblygu o fewn sefydliad unigol neu fel consortiwm: anfon dysgwyr a staff i wlad arall i hyfforddi, dysgu, magu hyder, neu gysgodi swydd 
• amlinellu cyfleoedd i sefydlu partneriaethau cydweithredol i rannu arfer gorau, cydweithio i ddatrys heriau sy’n wynebu’r sector addysg oedolion, a meithrin arbenigedd eich staff a sefydliadau.

Mae’r British Council, sydd ar fin dod yn Asiantaeth Genedlaethol y DU ar gyfer Erasmus+, yn cynnig cyfres o ddigwyddiadau ac adnoddau i baratoi ar gyfer ail-ymuno â’r rhaglen yn 2027.

Cofrestrwch ar gyfer y weminar yma heddiw i ddarganfod sut y gallwch ddechrau eich taith Erasmus+!