
Sut i wneud cais am grant Erasmus+
Mae Erasmus+ ar agor nawr! Gall sefydliadau yn y DU wneud cais am gyfran o werth dros £400 miliwn o grantiau.
Mae’r tudalennau hyn yn eich tywys drwy gamau gwneud cais, rhannu dolenni i gofrestru a gwybodaeth am feini prawf cymhwysedd, dolen i ganllaw rhaglen 2027, ac awgrymiadau am sut i ffeindio partner a chynllunio prosiect.
Os oes gennych unrhyw broblemau neu os oes angen mwy o help arnoch, cysylltwch â thîm Asiantaeth Genedlaethol y DU yma. Rydyn ni yma i helpu sefydliadau’r DU fanteisio i’r eithaf ar y cyfleoedd i newid bywydau mae rhaglen Erasmus+ yn eu cynnig.
Croeso i ddechrau eich taith Erasmus+!
Canllaw Rhaglen 2027
Mae Canllaw Rhaglen Erasmus+ yn cael ei gyhoeddi’n flynyddol gan y Comisiwn Ewropeaidd. Mae’n esbonio sut mae’r rhaglen gyllido’n gweithio, disgrifio’r math o weithgareddau sy’n gymwys, ac amlinellu’r broses ymgeisio. Gallwch ddarllen Canllaw Rhaglen 2027 ar-lein neu eu lawrlwytho fel pdf .
Dros yr wythnosau nesaf bydd Asiantaeth Genedlaethol y DU yn cyhoeddi cyfres o lawlyfrau i helpu sefydliadau lywio’u ffordd drwy Ganllaw’r Rhaglen. Byddant hefyd yn cynnal gweminarau i helpu sefydliadau wrth iddynt weithio drwy’r Canllaw Rhaglen a pharatoi eu ceisiadau. Cymerwch olwg ar y digwyddiadau sydd ar gael.
A chofrestrwch i dderbyn ein cylchlythyr i gael gwybod pan fydd y llawlyfrau ar gael.
Gwybodaeth Ddefnyddiol
Mae ein gwefan yn cynnwys pob math o wybodaeth ddefnyddiol i’ch helpu. Cymerwch gip ar y tudalennau canlynol:
Awgrymiadau Defnyddiol: Sut ydw i'n dechrau cynllunio fy mhrosiect Erasmus+?
Awgrymiadau Defnyddiol: Dechrau arni gydag Erasmus+
Awgrymiadau Defnyddiol: Sut ydw i'n ffeindio partner neu bartneriaid?
Hefyd, gallwch lawrlwytho canllaw rhaglen Erasmus+ (3.45 MB).
Dyddiadau Pwysig
Dyddiad | Digwyddiad |
Tachwedd 2026 | Galwad am geisiadau am gyllid Erasmus+ yn agor |
Chwefror / Mawrth 2027 | Dyddiad Cau i geisiadau am gyllid |
Mehefin - Awst 2027 | Cyhoeddi canlyniadau’r broses |

Angen help?
Cysylltu â thîm Asiantaeth Genedlaethol y DU

Gweminarau am ddim
Os ydych yn newydd i’r broses neu’n ymgeisydd profiadol – mae gyda ni weminarau i bawb

Awgrymiadau ar gyfer datblygu prosiect
Awgrymiadau defnyddiol gan bobl sydd wedi bod yn llwyddiannus o’r blaen